Mualliflar tomonidan Otorinolaringologiya mutaxassisligi  yo‘nalishiga doir tuzilgan ushbu o‘quv qo‘llanmada yuqori nafas yo‘llarining ko‘p uchraydigan kasalliklari yoritilgan. O‘quv qo‘llanmada yuqori nafas yo‘llari kasalliklari, ularning uchrashi, etiologiyasi, patogenezi, klinikasi, tashxislash va davolash usullari batafsil yoritilgan.

O‘quv qo‘llanmada otorinolaringologiyaga doir nafaqat fundamental bilimlar, balki eng yangi nazariy va amaliy ma’lumotlar keltirilgan. Oxirgi yillarda amaliyotda keng tadbiq etilayotgan endoskopiya tekshiruvi, mikroskopik tekshiruv, multispiral kompyuter tomografiya kabi zamonaviy usullar natijalari haqida ma’lumotlar berilgan. Yuqori nafas yo‘llari kasalliklarini davolashga asosiy e’tibor qilingan bo‘lib, davolash standartlari asosida tavsiyalar berilgan.

Bundan tashqari, ushbu o‘quv qo‘llanmada rasm va jadvallar keltirilgan. O‘quv qo‘llanmaning nazariy qismidan so‘ng bilimni sinash maqsadida vaziyatli masalalar, tekshirish savollari, didaktik qism keltirilgan.

O‘quv qo‘llanma o‘zbek tilida yozilgan bo‘lib, tibbiyot oliy ta’lim muassasalarning otorinolaringologiya mutaxassisligi buyicha magistrlari uchun mo‘ljallangan, o‘quv jarayoniga mos ravishda namunaviy dastur asosida tuzilgan.